INNER BODY MEÐFERÐ

Innerbody Center, Iceland

Innerbody Center á Íslandi er útibú frá Innerbody Center í Syndey, Ástralíu, en þar var kerfið stofnað. Það er Ófeigur Svansson sem er stjórnandi og leiðbeinandi Innerbody á Íslandi. Hann kynntist íhugunarkerfinu af eigin raun þegar hann var að keppa í maraþonhlaupi í Sydney árið 2006. Innerbody kerfið á rætur sínar að rekja m.a. til rannsókna sem gerðar hafa verið á Aboriginals í Ástralíu en þeir, meira en nokkrir aðrir jarðarbúar, hafa náð að varðveita tengslin milli innri og ytri líkama. Þessi tengsl hafa nú að mestu leyti glatast hér á Vesturlöndum í hraða og neysluhyggju nútímasamfélaga. Innerbody kerfið hefur breiðst hratt út og telur nú fjölmarga iðkendur víðs vegar um heim. Nú býður Innerbody upp á nýjung: skypemeðferðir, sem ná að tengja ólíkt fólk á ólíkum stöðum og því getur þú nú tekið þátt í Innerbodymeðferðinni frá þinni heimabyggð.
En örlítið meira um Innerbody. Innerbody gengur út á að tengja inni og ytri líkama. Innri líkami okkar er við sjálf, kjarni okkar og hið sanna sjálf, en ytri líkaminn er hins vegar hvernig aðrir sjá okkur. Innerbodykerfið hefur fundið leið til þess að sameina aftur líkamana tvo og gera þá að einum, sterkum og heilum líkama. Þegar þetta hefur tekist þá er mönnum allir vegir færir og tvöfeldni hinna rofnu tengsla, sem geta leitt til alls kyns andlegra og líkamlegra kvilla, verður ekki lengur vandamál.

Kær kveðja og megi ljósið lýsa ykkur leiðina gegnum þetta tilveruskeið.

Ófeigur Svansson